Veni, Creator Spiritus
http://www.preces-latinae.org/thesaurus/Hymni/VeniCreator.html
VENI, Creator Spiritus, mentes tuorum visita, imple superna gratia quae tu creasti pectora. |
Qui diceris Paraclitus, altissimi donum Dei, fons vivus, ignis, caritas, et spiritalis unctio. |
Tu, septiformis munere, digitus paternae dexterae, Tu rite promissum Patris, sermone ditans guttura. |
Accende lumen sensibus: infunde amorem cordibus: infirma nostri corporis virtute firmans perpeti. |
Hostem repellas longius, pacemque dones protinus: ductore sic te praevio vitemus omne noxium. |
Per te sciamus da Patrem, noscamus atque Filium; Teque utriusque Spiritum credamus omni tempore. |
Deo Patri sit gloria, et Filio, qui a mortuis surrexit, ac Paraclito, in saeculorum saecula. Amen. |
0 Comments:
Post a Comment
<< Home